Ճանաչիր քեզ և Հնդկաստանը
Ճամփորդություն դեպի խորհրդավոր Հնդկաստան, (Վրինդավան, Ջագաննաթ Պուրի, Մայապուր)
Փետրվարի 19 – Մարտի 4, 2026 (14 Օր)
Նկարագրություն
Պատրաստվեք կյանքի ամենահիշարժան ուղևորություններից մեկին՝ դեպի Հնդկաստան։ Սա կատարյալ հնարավորություն է նրանց համար, ովքեր ցանկանում են մի պահ կտրվել առօրյա եռուզեռից, ծանոթանալ աշխարհի հնագույն մշակույթներից մեկին, ստանալ դրական էմոցիաներ և ձեռք բերել հսկայական հոգևոր փորձառություն:
Վրինդավան
Վրինդավանը Հնդկաստանի ամենասրբազան քաղաքներից մեկն է, որը հատկապես կապված է Տեր Կրիշնայի կյանքի ու լիլաների հետ։ Այն համարվում է վաիշնավիզմի սիրտը։ Համարվում է այն վայրը, որտեղ Կրիշնան անցկացրել է իր մանկությունն ու պատանեկությունը: Այստեղ են տեղի ունեցել նրա հայտնի լիլաները՝ գոպիների և հատկապես Ռադհայի հետ: Վրինդավանը համարվում է «կենդանի տաճար»: Քաղաքում խիստ շեշտվում է նվիրվածությունը, խոնարհությունը և աստվածային սերը: Շատ ուխտավորներ ասում են, որ այստեղ մթնոլորտը ինքնին հոգևոր փորձառություն է: Վրինդավանը համարվում է մաքուր սիրո (պրեմա բհակտի) խորհրդանիշ:
Ջագաննաթ Պուրի
Ջագաննաթ Պուրի հնդկական հինավուրց քաղաք է, որը գտնվում է Բենգալյան ծոցի ափին։ Ջագաննաթ տաճարը քաղաքի գլխավոր տեսարժան վայրն է: Նվիրված է Տեր Ջագաննաթին, որը համարվում է Վիշնուի (կամ Կրիշնայի) ձևերից մեկը: Կառուցվել է մոտ 12-րդ դարում: Տաճարը հինդուական չորս գլխավոր ուխտավայրերից մեկն է (Չար Դհամ): Ջագաննաթ տաճարը հայտնի է իր մահապրասադով: Ամեն օր պատրաստվում է հազարավոր մարդկանց համար՝ ավանդական կավե ամաններում: Համարվում է սրբազան սնունդ:
Մայապուր
Մայապուրը սրբազան քաղաք է Հնդկաստանում, որը համարվում է գաուդիա-վաիշնավիզմի ամենակարևոր կենտրոններից մեկը։ Գտնվում է Գանգես գետի ափին: Մայապուրը համարվում է Չայտանյա Մահապրաբհուի ծննդավայրը (1486 թ.): Չայտանյան Կրիշնայի սիրո և բհակտի (նվիրվածության) ուսմունքի մեծ վերակենդանացնողն էր: Նրա ուսմունքները տարածվել են ամբողջ աշխարհում: Այստեղ կառուցված է հսկայական և ժամանակակից տաճար՝ Վեդայական Պլանետարիումի Տաճարը (Temple of the Vedic Planetarium): Տաճարը համարվում է աշխարհի ամենամեծ հինդուական տաճարներից մեկը: Քաղաքում ամեն օր անցկացվում են հարե կրիշնա կիրտաններ: Երգեցողությունը և պարը Մայապուրի հոգևոր կյանքի հիմնական մասն են:
Գին $800
✔ Արժեքը ներառում է
- ✔ Հյուրանոցի կացություն` (Տեղավորում երկտեղանոց համարում)
- ✔ Բոլոր տրանսֆերները հարմարավետ տրանսպորտով
- ✔ Ծրագրով նախատեսված տաճարների/ամրոցների մուտքավճարներ
- ✔ Զբոսավար ամբողջ տուրի ընթացքում
- ✔ Վիզա
- Արժեքը չի ներառում
- - ~ $20 Երևան -> Թբիլիսի (տրանսպորտ)
- - ~ $230 Թբիլիսի -> Նյու Դելի (ավիատոմս՝ ուղիղ չվերթով)
- - ~ $80 Նյու Դելի -> Բհուբանեշվար (ավիատոմս՝ ուղիղ չվերթով)
- - ~ $70 Բհուբանեշվար -> Կալկաթա (ավիատոմս՝ ուղիղ չվերթով)
- - ~ $300 Կալկաթա -> Երևան (ավիատոմս՝ տարանցիկ չվերթով, Աբու Դաբի)
- - ~ $180 Սնունդ
- - ~ $20 Ապահովագրոթուն
- - ~ $900 Ընդհանուր
